‘ငြီး၊ ညည်း၊ ညီး’ တို့ဟာ ဘယ်ဟာသုံးရမလဲလို့ ခွဲရခက်တတ်တဲ့ စကားသုံးလုံးပေါ့။ ဘာလို့လဲဆိုတော့ ‘သံတူကြောင်းကွဲ’ လို့ခေါ်တဲ့ အသံထွက်တွေတူပြီး အဓိပ္ပာယ်တွေ ကွဲနေတာကြောင့်ဖြစ်ပါတယ်။
ငြီး
မအီမသာကိစ္စတွေမှာ
ငြီးကိုသုံးပါတယ်။ ငြီးငွေ့၊ ငြီးစီစီ၊ ငြီးစော်နံ၊ ငြီးနောက်နောက်၊ နားငြီး၊ ရှုမငြီး
စသဖြင့်ပါ။
ညည်း
၁၊ အသံထွက်တာ၊ မြည်တာ - ညည်းညူ၊ ညည်းချင်း၊ ညည်းတွား၊
သည်းညည်းခံ၊ ခိုညည်း၊ ချူသံပါအောင်ညည်း။
၂၊ မိန်းမချင်းပြောတာ - ညည်းအေ၊ ညည်းနော်။
ညီး
ညီးဆိုတာ
အလွန်တောက်ပတာကို ဆိုလိုပါတယ်။ ထိန်ညီး၊ လျှံညီး၊ ညီးညီးပြောင်ပြောင်၊ ညိုးညိုးညီးညီး
စသည်ဖြင့်သုံးပါတယ်။
မှတ်ချက်
‘ငြူစူ’
ဆိုတဲ့စကားလုံးလဲရှိပါတယ်။ မလိုလားတာကိုဆိုလိုပါတယ်။ အဲဒီတစ်လုံးပဲ ညနဲ့မညူဘဲ၊ ငနဲ့ငြူတာကို
မှတ်ထားသင့်ပါတယ်။
'ငြီး၊ ညည်း၊ ညီး' ကွဲပြားအောင် အောက်ကဝါကျလေးကိုမှတ်ထားပါ။
“လျှပ်စစ်မီး ထိန်ညီးနေရင် မညည်းညူ၊ မငြီးငွေ့၊ မငြူစူပါ။”
ကောလိယ ဝေယံမောင်မောင်
၆.၂.၂၀၂၄
#စကားနှင့်စာမှတ်စရာ
#ကောလိယဝေယံမောင်မောင်
Comments
Post a Comment